Britney Spears çaktivizoi edhe një herë llogarinë e saj në Instagram përpara publikimit të kujtimeve të shumëpritura, "The Woman In Me".
Libri, i cili do të dalë më 24 tetor, bëri bujë gjatë gjithë javës, pasi u detajuan vitet e saj si një yll i ri në sytë e publikut – duke përfshirë marrëdhënien me Justin Timberlake.
Para se të hiqte dorë nga Instagrami, Britney shprehu shqetësimin për reagimet e publikut.
“Nuk më pëlqejnë titujt që po lexoj”, shkroi ajo në Twitter të premten. "Pikërisht për këtë arsye e lashë muzikën 4 vjet më parë !!!"
Spears gjithashtu u kujtoi njerëzve se libri ka histori nga dekada më parë dhe se ajo e sheh veten duke rrëfyer përvojat e saj të kaluara si një "mbyllje e bukur".
Një nga zbulimet më të mëdha që doli nga "The Woman In Me" ishte se ajo vendosi të bënte një abort ndërsa ishte në lidhje me Timberlake,nga viti 1999 deri në 2002.
Spears e përshkroi shtatzëninë si një "surprizë", por vendosi ta ndërpresë atë vetëm pasi këngëtari ishte kundër.
“E doja shumë Justin. Ëndërroja të kisha një familje me të. Por, ai nuk ishte i lumtur për shtatzëninë. Ai tha se ne nuk ishim gati të kishim një fëmijë në jetën tonë, sepse ishim shumë të rinj.”
“Nuk e di nëse aborti ishte vendimi i duhur,” shtoi Spears.
“Nëse do të ishte lënë vetëm në dorën time, nuk do ta kisha bërë kurrë. E megjithatë Justin ishte i sigurt se nuk donte të bëhej baba.”
Krijuesja e hitit "Toxic" pohoi gjithashtu se Timberlake, e tradhtoi me "një tjetër personazh të famshëm", por gjithashtu pranoi se as ajo nuk ishte shenjtore, duke konfirmuar thashethemet se kishte patur një lidhje me balerinin australian Wade Robson./Lapsi.al
