Courteney Cox e quajti marrjen e mbushësve të fytyrës "keqardhja e saj më e madhe për bukurinë" në një intervistë të re me revistën Woman, për Daily Mail.
"Ka kaq shumë presion për të qëndruar e re në këtë industri, saqë sapo filloni, bëhet paksa një efekt domino dhe ju vazhdoni të bëni ndërhyrje më shumë," tha aktorja e Friends për median.
"Për pjesën tjetër të botës fytyra juaj po ndryshon, por për veten tuaj - sepse po kryeni vetëm një procedurë në një kohë - nuk e vini re." Përfundoi Cox, "Ishte një humbje totale e kohës dhe do të doja të mos isha dorëzuar para presionit për ta pasur atë."
Nuk është hera e parë që aktorja flet për keqardhjen e përdorimit të injeksioneve. Në një intervistë të vitit 2022 me revistën Sunday Times Style, ajo pranoi se "u përpoq të qëndronte e re për vite me radhë", duke shtuar, "Nuk e kuptova që, oh zot, në fakt po dukem shumë e çuditshme, me injeksione dhe duke bërë gjëra në fytyrën time që nuk do t'i bëja kurrë tani."
Cox nuk është personazhi i vetëm që është kundër injeksione kundër plakjes; Drew Barrymore, Jennifer Lopez dhe Jennifer Aniston kanë folur për vendimin e tyre për të mos bërë ndërhyrje estetike./Lapsi.al
