Tre persona janë vënë në pranga nga policia. Blutë njoftojnë se ata janë: Sergej Lukaj (Stefa), Valter Malia dhe Erblin Hyra. Këta persona u kapën në flagrancë duke qarkulluar me automjet, me lëndë narkotike kokainë dhe kanabis. Ato ishin të ndara në doza të gatshme për shitje.
Policia ka bërë sekuestron e 71 fidanë narkotikë, 1 kg lëndë narkotike kanabis, një sasi lënde narkotike kokainë e ndarë në doza. Po ashtu u gjetën edhe 2 peshore elektronike dhe 3 aparate celulare. Tre personat do të akuzohen për veprat penale “Prodhimi dhe shitja e narkotikëve", kryer në bashkëpunim dhe "Kultivimi i bimëve narkotike".
