Në një gjë janë dakord Gianluigi Donnarumma dhe Keylor Navas: nuk duan të kalojnë një vit tjetër duke alternuar vendet në portën e PSG-së. Gjithësesi është 23 vjeçari italian ai që fitoi balotazhin me 35-vjeçarin nga Amerika Qendrore dhe të paktën për Galtier do të jetë ai që do të nisë me gradën e titullarit me skuadrën parisiene. Trajneri i ri ishte i qartë në konferencën për shtyp, kërkon hierarki të përvijuara mes shtyllave dhe për momentin është italiani i avantazhuar.
Një lloj sinjali në fakt kishte mbërritur tashmë nga drejtuesit e klubit që pranverën e kaluar dhe Navas thjesht duhet të pranojë rolin e portierit të dytë ose të kërkojë një ekip tjetër.
Në sezonin e kaluar, 26 ndeshje u luajtën nga Navas dhe 24 nga Donnarumma, por me një tension të vazhdueshëm që prishi performancën e të dyve dhe shkaktoi pakënaqësi dhe nervozizëm. Skena për të mos u përsëritur dhe që PSG nuk dëshiron më t'i shohë, duke vënë bast gjithçka mbi portierin e kombëtares italiane për të cilën pronësia ka investuar për të ardhmen.
Të dy do të stërviten nga trajneri italian i portierëve Gianluca Spinelli, i cili është te PSG që nga viti 2018 dhe është konfirmuar edhe për sezonin e ardhshëm.
