Historia mes Luis Suarez e Juventus u ndal në shtator 2020 kur uruguajani ishte një hap larg bardhezinjve: duhej nënshtetësia italiane sepse në skuadër nuk kishte vende të lira për një shtetas jo të BE-së, por një hetim nga Prokurori Publik i Perugias bllokoi gjithçka, sepse provimi për certifikimin gjuhësor të uruguaianit doli farsë (pyetjet për provimin e gjuhës ishin: Si të quajnë?). Pistolero pastaj u martua me Atletico Madrid, me të cilin kontrata i skadon në fund të muajit: risia është se menaxherët ia kanë ofruar sulmuesin përsëri Juventusit, që është në kërkim të përforcimeve në sulm pas lamtumirës së Dybalas dhe vështirësive me Atletico Madrid për Morata.
Një marrëveshje e vështirë për tu realizuar, shpjegon La Stampa, edhe sepse paga prej 5 milionë euro dekurajon në këtë moment drejtuesit e Juventusit, të cilët do të shikojnë përreth para se të vlerësojnë Suarezin. Në fund të fundit, tashmë janë Di Maria dhe Kostic profilet ofensive me të cilët tashmë kanë nisur negociatat, ndërsa nuk duhet harruar se edhe bisedimet me Colchoneros për Moratën nuk janë mbyllur plotësisht.
Suarez do të ishte një përforcim i cilësisë dhe i eksperiencës si zëvendës Vlahovic, por për momentin ka skuadra të tjera që mund të ëndërrojnë 35-vjeçarin: Lazio dhe Fiorentina në Itali, pa harruar Aston Villan dhe River Plate "e tij", që do t'i garantonte një vend si titullar në kuadër të Kupës së Botës.
