Ministrja e Shëndetësisë, Ogerta Manastirliu njofton se nga dita e sotme nisin aplikimet në portalin e-Albania për t’u vaksinuar kundër Covid, duke filluar nga grupmosha mbi 18-vjeç. Manastrirliu sqaron se deri më tani janë kryer mbi 935 mijë vaksinime anti-Covid, ndërsa thekson se fushata e vaksinimit do të vijojë për të siguruar një sezon jetik të turizmit.
“Nga sot mund të aplikoni në portalin e-Albania për t’u vaksinuar pa dallim mbi 18 vjeç, në ditët e hapura të vaksinimit në datat 29-30 qershor. Më shumë se 935 mijë vaksinime anticovid janë kryer deri tani, teksa do ta intensifikojmë këtë proces jetik në sezonin e verës, që është koha më e mirë për shtrirjen e vaksinimit masiv”, shkruan Manastirliu.
