Aktivistja Luciana Kokaj, gjatë fjalës së saj në protestën para Kryeministrisë, iu drejtua me kritika deputetëve të opozitës, duke vënë në pikëpyetje solidarizimin e tyre me protestën.
Kokaj tha se opozita deklaron se është në mbështetje të qytetarëve, por sipas saj mungoi në momentin kur protestuesit u përplasën me policinë para Parlamentit.
Një thirrje do kisha për gjithë deputetët e opozitës që gjasme janë solidarizuar, bëjnë sikur e mbështesin protestën… Ku ishit sot kur protestuesit u morën zvarrë para parlamentit? Ku ishit sot kur protestuesit u shoqëruan me pa të drejtë? Pse nuk ngritët zërin në Parlamentin e Shqipërisë, po ikët nga ajo sallë si] bëni gjithmonë?
Deklarata e saj vjen pas tensioneve të regjistruara gjatë ditës para Kuvendit, ku protestuesit tentuan të bllokonin hyrjen e institucionit dhe pati përplasje fizike me policinë.
