Partia Socialiste e ka të vështirë të ndahet nga njerëzit me rekorde kriminale. Sic ka dëshmuar në gjithë këto vite pushteti të Edi Ramës, njerëzit që janë promovuar, bërë kryetbashkiakë apo deputetë apo drejtora, janë ata me “cen” në biografi. Nëse ju kujtohet Valdrin Pjetri, në vitin 2019, Edi Rama e bëri kryetar bashkië në Shkodër.
Më pas ai u detyrua të jepte dorëheqjen për shkak të ligjit të dekriminalizimit, pasi rezultonte të ishte i dënuar për përdorim hashashi gjatë kohës që ishte student në Firenze.
Sidoqftë në Shqipëri Pjetri rezulton i padënuar.
Pas disa vitesh i tërhequr nga detyrat publike, por i përfshirë aktivisht në punët e partisë dhe mbledhjes së votave, Edi Rama e shpërbleu sot Valdrin Pjetrin duke e emëruar në krye të Agjencisë së Trajtimit të Pronave, mëson Lapsi.al.
Vendimi u mor sot në mbledhjen e qeverisë, ku u bë dhe shkarkimi nga detyra i Benard Palajt, i emëruar vetëm disa muaj më parë në krye të këtij institucioni. Të bësh karrierë sot në administratën shtetërore, kusht i panegociueshëm është të kesh rekorde.
Simbioza e Edi Rames me njerezit me te shkuar kriminale shenjon gati të gjithë karrierën e tij politike. ©LAPSI.al
