Kreu i Partisë Mundësia, Agron Shehaj iu është bashkuar protestuesve para Drejtorisë së Policisë së Tiranës, duke konfirmuar se janë 6 protestues të ndaluar pas incidenteve të sotme.
Në një deklaratë për mediat, deputeti bëri të ditur se të arresturit janë shpërndarë në komisariatet nr. 1, 2 dhe 4.
Shehaj shprehu shqetësimin ndaj trajtimit të të shoqëruarve, duke ngritur dyshime se ata mund të jenë dhunuar nga forcat e rendit si gjatë arrestimit, ashtu edhe gjatë qëndrimit në komisariate.
"Protestuesit e dhunuar po shprehim kundërshtinë e tyre. Janë shoqëruar 6 protestues, dy janë të 1, dy te 2-shi dhe 2 te 4. Do të shkojmë ti shohim, pasi u dhunuan para kamerave, dhe me gjasa që mund të jenë dhunuar dhe atje. Do të shkojmë në secilin komisariat dhe do të shohim se si janë trajtuar.", tha Shehaj.
