Kryedemokrati Lulzim Basha u takua me banorët e ish-Uzinës së Autotraktorëve që kanë probleme me legalizimin dhe shtëpitë e prishura. Lideri i opozitës përsëriti ndjesën e kërkuar për procesin e legalizimeve që nuk u mbyll dot në kohë 8 vite më parë dhe u zvarrit më pas sipas tij nga socialistët. Basha u shpreh se atë ndjesë e konsideron detyrë në mënyrë që në momentin e marrjes së pushtetit: të marrin legalizimin të gjitha ata që u është mohuar pa të drejtë.
Banorët nga ana tjetër thonë se shteti nuk po u jep zgjidhje, ndërsa ka pasur raste që u janë prishur shtëpitë edhe në proces legalizimi.
Sot është dita për t’ju thënë që më 25 Prill atë ndjesë që ju kam kërkuar që nuk e përfunduam procesin e legalizimit unë e konsideroj detyrë për ta çuar atë proces deri në fund në mënyrë që të gjithë ju të përfitoni legalizimin që është vonuar me të padrejtë dhe në shumë raste për të cilin keni paguar në të bardhë e në të zezë e s’keni marrë atë që meritoni. Ky është zotimi që kam para jush si kryeministër i ardhshëm. Do merrni dëmshpërblim për shtëpitë e prishura”, u shpreh Basha.
