Gjashtë persona kanë rënë në prangat e policisë për vepra të ndryshme penale.
30-vjeçari D.B, është shpallur në kërkim pasi në bashkëpunim me dy shtetas të paidentifikuar kanë goditur me sende të forta shetasin R.B,.Gjithashtu sipas policisë po punohet edhe për identifikimin për kapjen e bashkëpunëtorëve të 30-vjeçarit.
Ngjarja ka ndodhur në Yrshek, ndërsa materialet i kaluan Prokurorisë së Rrethit Gjyqësor Tiranë për veprime të mëtejshme
Informacion/Tiranë
Arrestohen në flagrancë 6 shtetas, për vepra të ndryshme penale.
Specialistët për Hetimin e Krimit në Komisariatin e Policisë Nr.2 bënë arrestimin në flagrancë të shtetasit R. D., 39 vjeç, pasi ka thyer masën e sigurisë “Arrest në shtëpi” dhe u konstatua jashtë banese.
Nga specialistët për Hetimin e Krimit në Komisariatin e Policisë Nr.3 u bë arrestimi në flagrancë i shtetasit A. M., 60 vjeç, pasi ka ngacmuar seksualisht një shtetase të mitur.
Specialistët e Qarkullimit Rrugor bënë arrestimin në flagrancë të shtetasve :
K.,C., 36 vjeç, G. T., 51 vjeç, R. L., 40 vjeç dhe M. Q., 43 vjeç pasi u kapën në flagrancë duke drejtuar mjetet përkatëse në gjendje të dehur.
Më datë 21.03.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit A. M., 42 vjeç, sepse në rrugën “Pandi Dardha”, ka tentuar të ngacmojë seksualisht një shtetase të mitur.
Më datë 21.03.2021, u referuan materialet në Prokurorinë pranë Gjykatës së Shkallës së Parë Tiranë, për shtetasin D. B., 30 vjeç, pasi në Yrshek, në bashkëpunim me dy shtetas ende të paidentifikuar, kanë goditur me sende të forta shtetasin R. B. Punohet për kapjen e D.B si dhe për identifikimin dhe gjetjen e bashkëautorëve të tij.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
