Në Greqi është regjistruar viktima e parë nga tërmeti i ditëve të fundit.
Një 83-vjeçar i quajtur Christos Geka, humbi jetën ndërsa ishte me gruan e tij shtëpinë e tyre në Mesochori, kur tërmeti goditi fshatin malor të Elassona dhe shkatërroi shtëpinë e tyre.
I moshuari u shpëtua nga ekipet e shpëtimit në zonë dhe më pas u transportua me ambulancë në një qendër private rehabilitimi. Dje, 83-vjeçari u transportua në Spitalin e Përgjithshëm të Larisës, ku ndërroi jetë pak më vonë.
Drejtori i ICU të GNL, Apostolos Komnos tha se i moshuari nuk pësoi asnjë dëmtim nga tërmeti, ndërsa ai kishte probleme kronike shëndetësore.
Në total, 898 shtëpi janë konsideruar të pabanueshme nga 1,609 të dëmtuara në zonat e goditura nga tërmeti në Larisa, Elassona, Tyrnavos dhe Farkadona.
