Shtimi i rasteve me koronavirus ditët e fundit në Kosovë ka alarmuar autoritetet shëndetësore. Ata kanë njoftuar se do të mblidhen sot për të diskutuar mbi masat e reja. Lajmin e konfirmoi ministri i Shëndetësisë, Armend Zemaj sipas të cilit po vlerësohen faktet në dispozicion.
Instituti Kombëtar i Shëndetit Publik në vazhdimësi ka kërkuar ashpërsim të masave, por më 11 shkurt, 3 ditë para zgjedhjeve të parakohshme, qeveria vendosi heqjen e orës policore edhe në zonat e kuqe dhe zgjatjen e orarit të aktiviteteve deri në orën 22:00.
