Një 58-vjeçar me inicialet N.L është gjetur i vdekur brenda automjetit të tij në Durrës.
Sipas policisë së këtij qyteti, burri mund të ketë ndërruar jetë, për shkak të arrestit kardiak.
"Më datë 03.03.2021, në orën 14:20, në lagjen nr. 2, Durrës, shtetasi N. L., 58 vjeç, banues në lagjen nr. 13, Plazh, Durrës, ka gjetur vdekjen në automjetin e tij.
Nga veprimet e para hetimore dyshohet se ky shtetas ka ndërruar jetë si pasojë e arrestit kardiak.
Grupi hetimor ndodhet në vendngjarje dhe po punon për zbardhjen e rrethanave të ngjarjes", njofton policia e Durrësit.
