Një ditë përpara Shën Valentinit, Zonja e Parë e SHBA-së, Jill Biden, postoi një foto në Twitter ku ndalon në një biznes lokal për të marrë disa ëmbëlsira për ditën e të dashuruarve. “Shhh – mos i thoni Joe-t,” shkroi ajo.
Përpos postimit të këndshëm, faktit që ndalon në një biznes lokal, njerëzit në internet lavdëruan edhe lidhësen e flokëve. Atyre u duket kaq i këndshëm bishti i shkurtër i flokëve të Jill.
Ne i themi llastik flokësh, ose lidhëse, por në fakt quhet scrunchie prej formës që ka. Francezët e quajnë chouchou, si për ta bërë të duket më e këndshme. Në fund të ditës, mbetet diçka me të cilën mbledh flokët.
