Ministria e Shëndetësisë ka publikuar shifrat e viktimave dhe të të infektuarve nga koronavirusi në 24 orët e fundit në Shqipëri. 589 raste të reja janë identifikuar gjatë 24 orëve të fundit si dhe kanë ndërruar jetë 7 persona.
MSH shprehet se në 24 orët e fundit kanë humbur jetën nga Covid-19 në vendin tonë 7 persona.
"Ministria e Shëndetësisë dhe Mbrojtjes Sociale në prag të natës së ndërrimit të viteve ju bën apel qytetarëve të festojnë me familjen e vogël, për të kufizuar rrezikun e përhapjes së COVID19.
Situata e COVID19 në 24 orët e fundit paraqitet si vijon:
Janë kryer 2,350 testime dhe kanë rezultuar pozitivë 589 qytetarë. Rastet pozitive të konfirmuara janë identifikuar në këto bashki: 213 raste në Tiranë, 51 raste në Durrës, 29 raste në Fier dhe Vlorë, 27 raste në Shkodër, 25 raste në Lushnje, 17 raste në Lezhë, 16 raste në Berat, 15 raste në Korçë, 14 Kurbin dhe Sarandë, 12 raste në Elbasan, 10 raste Peqin, 9 raste në Krujë, 8 raste në Mat, 7 raste në Kukës, Has, Rrogozhinë, Kamëz, 6 raste në Pogradec, Tropojë, Dibër, 5 raste Delvinë, Kavajë, 4 raste në Klos dhe Patos, 3 raste në Mirditë, Gramsh, Shijak, Kolonjë, Mallakastër, Gjirokastër, 2 raste Devoll, Librazhd, Skrapar, Finiq, Vorë, Poliçan, Këlcyrë, 1 rast në Libohovë, Cërrik, Malësi e Madhe, Ura- Vajgurore.
Në 24 orët e fundit janë shëruar 449 qytetarë, duke e çuar numrin e të shëruarve 33,634 që nga fillimi i epidemisë.
Aktualisht në 4 spitalet COVID, po trajtohen 284 pacientë, 26 në terapi intensive nga të cilët 8 pacientë janë të intubuar.
Fatkeqësisht me gjithë përpjekjet e mjekëve, 7 qytetarë nuk e kanë fituar betejën me COVID19; 3 qytetarë nga Tirana, 1 qytetar nga Durrësi, 1 qytetar nga Fieri, 1 qytetar nga Vlora, 1 qytetar nga Miloti, të moshave 55-82 vjeç", shkruan Ministria e Shëndetësisë dhe Mbrojtjes Sociale.
COVID-19 – Statistika (31 Dhjetor 2020)
Raste të reja ditore 589
Të shëruar në 24 orë 449
Të shtruar në spitale 284
Humbje jete në 24 orë 7
Testime ditore 2,350
Testime totale 262,910
Raste pozitive 58,316
Raste të shëruara 33,634
Raste Aktive 23,501
Humbje jete 1181
Shpërndarja gjeografike e rasteve aktive sipas qarqeve:
Tiranë 13547
Fier 1632
Shkodër 1289
Durrës 1235
Vlorë 969
Korçë 961
Lezhë 890
Elbasan 891
Berat 763
Gjirokastër 476
Kukës 431
Dibër 417
