Policia e Tiranës ka arrestuar gjatë 24 orëve të fundit 8 persona, njëri prej tyre ishte i shpallur në kërkim, si dhe është proceduar penalisht 1 shtetas tjetër.
Mes tyre, ra në pranga shtetasi me inicialet I. A., 56 vjeç, sepse në mënyrë të vazhdueshme ka përndjekur dhe ngacmuar një shtetase 53-vjeçare.
Ndërsa dy burra të tjerë u arrestuan pas denoncimit të grave të tyre për dhunë.
“Nga specialistët për Hetimin e Krimit në Komisariatin e Policisë Nr. 4 u bë arrestimi në flagrancë i shtetasit T. Ll., 64 vjeç, pasi në rrugën “Riza Cerova”, në banesë, ka ushtruar dhunë fizike dhe psikologjike ndaj bashkëshortes së tij.
Specialistët për Hetimin e Krimit në Komisariatin e Policisë Vorë bënë arrestimin në flagrancë të shtetasit A. M., 39 vjeç, pasi në rrugën “Mimoza” Vorë, ka ushtruar dhunë fizike dhe psikologjike ndaj bashkëshortes së tij. Në vijim të veprimeve, gjatë kontrollit të ushtruar në banesë u gjet e sekuestrua në cilësinë e provës materiale një sasi municioni luftarak”.
TE ARRESTUARIT
Forca e posaçme “Shqiponjat”, në bashkëpunim me Seksionin për Hetimin e Narkotikëve, në vijim të goditjeve të njëpasnjëshme kundër aktivitetit kriminal në fushën e shpërndarjes së lëndëve narkotike, bazuar në informacionet e siguruara në rrugë operative nga burime të ndryshme, goditi një tjetër rast. Si rezultat u bë arrestimi në flagrancë i shtetasit A. Q., 20 vjeç, pasi gjatë kontrollit fizik iu gjet e u sekuestrua në cilësinë e provës materiale një sasi me lëndë narkotike e dyshuar cannabis sativa.
Nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë i shtetasit A. A., 34 vjeç, pasi në rrugën e vjetër Tiranë-Elbasan, Njësia Administrative Bërzhitë, gjatë kontrollit në ambientet e lokalit të marrë me qira prej tij, u konstatua një tavolinë në të cilën gjendeshin çipsa si ato që përdoren për lojërat e fatit dhe disa letra bixhozi, të cilat u sekuestruan në cilësinë e provës materiale.
Specialistët për Hetimin e Krimit në Komisariatin e Policisë Nr. 2 bënë arrestimin në flagrancë të shtetasit I. A., 56 vjeç, sepse në mënyrë të vazhdueshme ka përndjekur dhe ngacmuar një shtetase 53-vjeçare.
Nga specialistët për Hetimin e Krimit në Komisariatin e Policisë Nr. 4 u bë arrestimi në flagrancë i shtetasit T. Ll., 64 vjeç, pasi në rrugën “Riza Cerova”, në banesë, ka ushtruar dhunë fizike dhe psikologjike ndaj bashkëshortes së tij.
Specialistët për Hetimin e Krimit në Komisariatin e Policisë Vorë bënë arrestimin në flagrancë të shtetasit A. M., 39 vjeç, pasi në rrugën “Mimoza” Vorë, ka ushtruar dhunë fizike dhe psikologjike ndaj bashkëshortes së tij. Në vijim të veprimeve, gjatë kontrollit të ushtruar në banesë u gjet e sekuestrua në cilësinë e provës materiale një sasi municioni luftarak.
Në vijim të punës për kapjen dhe vënien përpara përgjegjësisë ligjore të personave në kërkim, nga specialistët për Hetimin e Krimit në Komisariatin e Policisë Nr. 5 u bë kapja dhe ndalimi i shtetasit A. M., 43 vjeç, i shpallur në kërkim për veprën penale “Dhuna në familje”.
Specialistët e Qarkullimit Rrugor bënë arrestimin në flagrancë të shtetasve S. M., 43 vjeç dhe O. N., 41 vjeç, pasi u kapën në flagrancë duke drejtuar mjetet përkatëse në gjendje të dehur.
Nga specialistët për Hetimin e Krimit në Komisariatin e Policisë Nr. 4 u procedua në gjendje të lirë shtetasi N. Sh., 25 vjeç, pasi në vendin e quajtur Qafë Priskë, u konstatua duke transportuar me mjetin e tij, lëndë drusore pa leje përkatëse.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
