Ditën e sotme po zhvillohet protesta e shtatë në Durrës për vrasjen e Klodian Rashës. Bëhet e ditur se protesta është zhvilluar tek sheshi ”Liria” në qendër të qytetit. Por ndryshe nga ditët e tjera pasditen e sotme protestuesit kanë improvizuar një ceremoni funerale , ndërkohë që me vete kanë marrë dhe një arkivol mbi të cilin shkruhet ”Kush është tjetri?”.
Siç shihet në foton e siguruar nga TopChannel, arkivoli është i mbuluar me flamurin Kombëtar. Ata janë drejtuar drejt Drejtorisë së Policisë ku dhe kanë bërë thirrje “drejtësi për Klodianin”.
Por ndërkohë Shërbimet policore kanë ndërhyrë duke i dhënë fund marshimit të protestuesve drejt godinës së policisë me arkivolin ku simbolikisht është varrosur shpresa e shqiptarëve dhe drejtësia për Klodianin.
