Erjon Vishkulli do ti nënshtrohet ditën e sotme një tjetër ndërhyrjeje kirugjikale, pas plagosjes me plumb gome në sy gjatë revolës së dhunshme studentore të mbajtur më 24 tetor, në Tiranë. Operacioni po kryhet në spitalin universitar Policlinico Agostino Gemelli në Romë, nën kujdesin e profesorit italian Stanislao Rizzo, specialist në kirurgjinë okulistike.
Kjo është ndërhyrja e dytë për Vishkullin, pas operacionit të parë të realizuar më 28 tetor, në të njëjtin spital dhe nga i njëjti ekip mjekësor. Pas plagosjes në protestë, ai u transportua drejt Italisë për të marrë trajtim të specializuar, me synimin për të rikuperuar dëmtimin në syrin e majtë dhe për të ruajtur mundësinë e rikthimit të shikimit.
Ndërhyrja kirurgjikale është ende në zhvillim dhe deri më tani nuk ka një informacion zyrtar mbi përfundimin e saj apo rezultatet e arritura. Pritet që në vijim të ketë më shumë detaje mbi gjendjen e tij shëndetësore dhe ecurinë e rikuperimit
