Një 51-vjeçar u vra me armë zjarri mbrëmjen e sotme në Mirditë. Ngjarja ka ndodhur rreth orës 17:40, në qytet Rrëshen. Sipas policisë, “në rrugë është plagosur me armë zjarri shtetasi Anton Keli, banues në fshatin Malaj, Mirditë, i cili është transportuar në spital fillimisht, por si pasojë e plagëve të marra ai ka ndërruar jetë.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë të D.V.P. Lezhë, të Komisariatit të Policisë Mirditë dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve.
