Prokuroria e Tiranës ka reaguar përmes një njoftimi për të dhënë detaje në lidhje me hetimet për vrasjen e 25-vjeçarit, Klodjan Rasha që i shkojnë për shtat propagandës qeveritare. Prokuroria deklaron se policit Nevaldo Hajdëraj (foto) që qëlloi mbi të do i ndryshojë akuza duke nënkuptuar se do i rëndohet, në njoftim theksohet se nga hetimet është arritur në konkluzionin se 25-vjeçari nuk është dhunuar para se të vdiste dhe nënvizon se po punohet për identifikimin e armës së gjetur.
Në njoftimin e nxjerrë sot ka një paragfar shumë sinjifikativ: "Nisur nga reagime të ndryshme, në mediat audio-vizive dhe ato të shkruara, në lidhje me pretendimet për konflikt fizik, keqtrajtim të kufomës, përpara ndjekjes, gjatë ndjekjes dhe pas goditjes me arme zjarri nga autori i ngjarjes apo persona të tjerë, e ndjejmë me vend të sqarojmë, duke respektuar dispozitat e Kodit te Procedures Penale për sekretin hetimor, se në bazë të provave të pakundërshtueshme, të administruara, nuk ka pasur përdorim dhune".
Pra, kur i duhet pushtetit prokuroria bëhet transparente për të sqaruar ato që thuhen në media, ndërsa kur bëhen pyetje për skandalet financiare, personat e tenderave fallco që ikin në drejtim të paditur, hetimin e armiqve të Erdoganit në Tiranë institucioni akuzës hesht.
Kjo është edhe një provë më shumë se në këtë rast më shumë se drejtësia për Klodianin, prokuroria është e shqetësuar për shpalarjen e rilindjes. Sepse përndryshe këtë standart transparence do ta përdortë gjithmonë.
©Lapsi.al
