Kryedemokrati Lulzim Basha komenton sjelljet e kryeministrit Rama, duke nënvizuar se një ditë më parë kreu i qeverisë tha që shkollat nuk duhen mbyllur ndërsa sot shpalli mbylljen e pjesshme të tyre. Basha shton se Rama e ka humbur kontrollin ndaj pandemisë dhe nuk di më se çfarë të bëjë.
"Dje Rama deklaroi se nuk ka asnjë arsye për të mbyllur shkollat sepse "fëmijët nuk të infektojnë me koronavirus". Ndërsa sot shpalli mbylljen e pjesshme të shkollave. Rama e ka humbur kontrollin ndaj pandemisë dhe as që ia ka idenë se çfarë duhet bërë. Rama nuk ka asnjë plan. Dhe pa plan, nuk mund ta fitosh luftën kundër pandemisë. Shqipëria ka nevojë për një qeveri që punon dhe merr vendimet e duhura për njerëzit, jo për qeverinë Rama që çfarë thotë sot, nuk thotë nesër!", shkruan Basha në Twitter.
