Kryeministri Edi Rama i dërgon një tjetër mesazh Presidentit Meta lidhur me dhënien e nënshtetësive. Sipas Ramës, futbollisti afrikan Winnful Essua Joseph Cobbina, ka qenë marrë i pandehur nga Prokuroria në kohën kur Presidenti Ilir Meta i dha nënshtetësinë shqiptare. Në statusin e tij në Tëitter, Rama thotë se ai dhe Meta të dy bashkë i kanë bërë gol me kokë drejtësisë.
“Ilir Meta ka lidhje me Kushtetutën sa ç’ka lidhje me Topin e Artë ai futbollisti afrikan që mori pashaportën shqiptare për 8 orë nga Iliri, ndërkohë që ishte nën akuzë në Shqipëri për falsifikim dokumentash! Të dy bashkë po, e kanë një lidhje: I kanë bërë gol me kokë drejtësisë!” – shkruan Rama.
Nuk ka vonuar përgjigjja e zëdhënësit të presidentit të Republikës.
“Nuk kishim asnjë dyshim! Buburreci Trendi e pranoi më në fund se ai është frymëzuesi dhe autori i vetëm i sulmeve më të ndyra dhe antikombëtare kundër ekipit të KF Tirana⚪?, tifozëve të mrekullueshëm dhe komunitetit të nderuar autokton tironas, të cilësuar prej tij dhe portaleve të tij, si "terroristë".
Urrejtjen tënde për Tironën dhe ngjyrat bardhë e blu⚪? nuk ka për të ta amnistuar kush, bashkë me zullumet e tjera të tuat, për të cilat sigurisht do përgjigjesh një ditë. Sa për pastërtinë e figurës së futbollistit të Tironës⚪?, pengu i mafies së inceneratorëve, i kapur tashmë në flagrancë, bën mirë të pyesë në institucionin e sigurisë kombëtare, që nëse na jep leje jemi gati ta publikojmë ne se çfarë thotë për "terroristin" bardhë e blu! ORA E PËRBALLJES PO AFRON! Sosi uji i gamiles tënde Mister 1 Prilli!” – shkruan Tedi Blushi. ©LAPSI.al
[caption id="" align="alignnone" width="960"]
Winful Cobbina[/caption]
