Gjermania ka marrë presidencën e Këshillit Europian për gjashtëmujorin e dytë të vitit. Lideri i AAK-së Ramush Haradinaj, beson se gjatë kësaj peruidhe do të liberalizohen vizat për Kosovën.
Përmes një postimi në Facebook, Haradinaj shkruan se kancelarja gjermane Angela Merkel i kupton nevojat e Kosovës si askush tjetër në BE.
Postimi i Haradinajt në Facebook
''Që sot, Gjermania kryeson Presidencën e Këshillit të BE-së për gjashtë muajt e ardhshëm. Shteti gjerman me konsistencë ka mbështetur Kosovën drejt pavarësisë dhe shtetndërtimit, prandaj kryesimi i BE-së nga një aleat si Gjermania, përbën lajm të mirë për qytetarët e Kosovës. Kancelarja Merkel si askush tjetër në BE i kupton nevojat e Kosovës që janë ndrydhur për një kohë të gjatë, si pasojë e politikave të ngadalta të Bashkimit Evropian. Nuk kam dyshim që përgjatë mandatit gjashtëmujor të Gjermanisë në krye të BE-së, një energji e re do ta përfundojë procesin e liberalizimit të vizave për qytetarët e Kosovës dhe do t'i çojë përpara proceset integruese të Kosovës në organizatat dhe institucionet e Bashkimit Evropian.
RH''
