Të drejtosh një skuadër klubi nga tavolina është një operacion historikisht kompleks, edhe më shumë akoma nëse mendohet se në botën e futbollit imponohet ai që investon më shumë, ku shifrat janë shumë të larta. E megjithatë kjo nuk i ka hequr dëshirën apo ambicjen ish-futbollistëve, edhe të nivelit të lartë, që të kalojnë nga fusha pas tavolinës, duke vendosur të investojnë ata tani në sportin që i bëri të pasur e të famshëm.
Rasti më i fundit është natyrisht ai i Zlatan Ibrahimovic. Pak javë përpara se të vendoste të kthehej tek Milan, sulmuesi suedez bleu 50% të aksioneve të Aeg Sëeden, holding që zotëron aksionet e Hammarby. Një zgjedhje që nuk i pëlqeu fare tifozëve të Malmo Fc, rivali historik me të cilët Ibra hodhi hapat e parë ndër profesionistë. Pasojat i vuajti statuja e dedikuar për sulmuesin, që e rrëzuan në ditët e para të 2020. Nuk është një rastësi, që gjatë emergjencës koronavirus Ibrahimovic është stërvitur me skuadrën e tij, në pritje të vendimit për rifillimin e mundshëm të Serie A.
Duke mbetur në Europë e duke folur për sulmuesit e mëdhenj, nuk mund të mos flitet për ‘fenomenin’ Ronaldo: ish-kampion bote me Brazilin e pronar i mazhorancës së Real Valladolid, klub i Ligës spanjolle, nga shtatori 2018. Duke i besuar pankinën Sergio Gonzalez, trajneri i promocionit nga Segunda Division, klubi i Castiglia e Leon ka arritur një shpëtim të bukur në sezonin e parë të presidencës së Ronaldos e këtë vit, para pezullimit të turneut, ndodhej në vendin e 15 katër pikë avantazh nga zona e rënies. Tentativa e dytë e investimit në futboll për Ronaldon, që pak vite më parë kishte provuar të ngjallte pa sukses Fort Lauderdale Strikers, skuadër e ligës minore amerikane.
Pikërisht në Shtetet e Bashkuara kërkon të konfirmohet një tjetër protagonist i futbollit të pak viteve më parë, David Beckham: është anglezi që krijoi Inter Miami CF, klub që ka debutuar tashmë në Major League Soccer përpara pezullimit nga pandemia, edhe pse në dy ndeshjet e luajtura mori dy humbje.
