Është edhe ish-portieri i Liverpool, Napoli e Milan, Pepe Reina, mes futbollistëve që kanë patur të bëjnë direkt me koronavirus. Spanjolli e ka rrëfyer personalisht ngjarjen për Cadena Cope: "Javën e kaluar kam patur simptomat e koronavirus - tregon portieri -, ishin ditë të vështira në të cilat i mora të gjitha masat për të mos infektuar ata që jetojnë pranë meje. Këtu nuk bëhen teste e ky mund të jetë vecse një problem, por tani jam mirë. Është e vështirë, është sikur të më kalonte mbi trup një kamion".
Spanjolli shpjegon akoma: "Ndjek me vëmendje atë që ndodh në Spanjë e Itali, janë momente të vështira e jemi të gjithë të shqetësuar. Ajo që me qëllon më shpesh është të shoh persona që largohen nga jeta pa mundur të kenë mundësinë të përshëndeten për herë të fundit nga familja e tyre. Duhet të respektojmë të gjithë normat e sigurisë që na janë dhënë, vetëm kështu do mundemi tia dalim. Futbolli në këtë moment është dytësor, nuk më intereson të di se kur do të kthehem në fushë, ajo që ka rëndësi është shëndeti, e kuptoj se janë interesa të mëdha ekonomikë në lojë, por është njësoj në të gjithë sektorët".
Reina thotë në fund: "Nuk ka kuptim të luash pa publik, por në cdo rast është esenciale që të kthehemi të luajmë kur të jenë garancitë për ta bërë me siguri. Ne lojtarët jemi të privilegjuar, për mua është e lehtë të qendroj në izolim, personat që kanë vërtetë "cojones" janë ata që jetojnë në një apartament 70 metra katror me tre fëmijë, ata janë heronj".
