Ministria e Shëndetësisë, bëri me dije se sot në Fier janë shtuar 3 raste të reja. Lapsi.al mëson se njëri prej të prekurve është djali i deputetes së PS-së, Antoneta Dhima.
Deputetja është shprehur se djali i saj ka qenë i kujdesshëm dhe se nuk e ka idenë nga e ka marrë virusin. Mësohet se e gjithë familja e deputetes është futur në karantinë.
Sa i përket 26-vjeçarit, mësohet se ai pasi ka rezultuar pozitiv me Covid-19, është sjellë në spitalin Infektiv për të marrë trajtimin mjekësor.
Pas Tiranës, Fieri është qyteti më i prekur nga Covid-19, ku numri i të infektuarve ka shkuar sot në 12 persona.
