Vera e Napolit do të jetë e nxehtë në profilin e merkatos së futbollit. Revolucioni i nisur në janar me blerjet e Demme, Lobotka e Politano, do të vazhdojë në qershor e Kalidou Koulibaly mund të jetë një nga emrat e përfshirë. Mbrojtësi franko-senegalez rikthehet me forcë në shënjestër të Paris Saint Germain, duke qenë se sapo ka blerë një vilë në Parigi prej rreth 220 metra katror, me vlerë 4 milionë euro.
Lajmi i investimit imobiliar, bën të ditur Le Parisien, lidhet me strategjinë e klubit parisien për Koulibaly. Mbrojtësi duhet të jetë pasuesi i Thiago Silva, në skadencë kontrate në fund sezoni, e për të cilin nuk ka tratativa për rinovimin (me Milan që po mendon për ta rikthyer në kuqezi).
Napoli e vlerëson lojtarin 75 milionë euro e shpreson në një ankand, duke parë që në muajt e kaluar edhe Manchester City kishte kërkuar informacion. Për momentin anglezët janë duke u marrë me ankimimin për përjashtimin nga kompeticionet europiane që, nëse konfirmohet, do të ndryshojë planet klubit.
