Pavarësisht se është mësuar gjatë karrierës së tij si futbollist të mos dorëzohet kurrë, Sebino Nela është përballur me një kundërshtar që të fut frikën vetëm ti artikulosh emrin: tumori. Një periudhë e gjatë sëmundje, që ka rrezikuar ta detyrojë të bëjë veprimin më ekstrem. Ashtu si për ish-shokun e tij të Romës, Agostino Di Bartolomei. "Përsé vrau veten? E vlerësoja pafundësisht. Një kapiten i vërtetë. Si duhet të jenë kapitenët. Ishte i sëmurë brenda, në shpirt. E mendova edhe unë, shpesh, në vitet që zgjati sëmundja, por nuk gjeta kurajën", ka zbuluar ai në një intervistë për Corsport.
"Dy vjet e gjysëm kimio nuk janë shaka. Të shëron një gjë e të përkeqëson një tjetër. Kam patur goditje ishemike. Por presioni është në rregull dhe bëj një jetë normale", ka shtuar ai.
"E pashë vdekjen në sy. E kam metabolizuar këtë gjë. Nuk e di sa herë jamë gjendur duke qarë në shtrat. E kam menduar miliona herë. Por e di cfarë, nësedo të ndodhë nesër, ‘në djall të shkojë... Të shfaqet një film i gjithcka ke bërë, e mirë dhe e keqe. Në fund jam i kënaqur për personin që jam. Nuk kam keqardhje, mund të vdes edhe nesër".
