Një përleshje mes shqiptarëve dhe serbëve ka ndodhur pasditen e së dielës në komunën e Fushë Kosovës. Ngjarjen e raporton Gazeta Express e cila e ka konfirmuar edhe nga Policia e Kosovës.
“Ka pasur një mosmarrëveshje për parking. Dy palët në fjalë janë fqinj ndërmjet vete. Njësitet e Policisë kanë arritur në vendin e ngjarjes menjëherë pas thirrjes dhe po merren me rastin. Për më shumë do ju informojmë me kohë. Por të dhënat e para tregojnë se ka pasur një mosmarrëveshje për parking”, - ka thënë zëdhënësi i Policisë së Kosovës, Daut Hoxha. 3 persona janë të lënduar pas kësaj mosmarrëveshje dhe po trajtohen në spital.
