Derbi agonistik në gjysëmfinalen e kthimit të Carabao Cup, mes Manchester City dhe Manchester United, që ka parë fitues Red DEvils 1-0, por ka cuar në finale Citizens falë rezultatit të përgjithshëm 3-2 në dy ndeshjet. Skuadra e Guardiola shkon kështu në përballjen me Aston Villa, pas 90 minutave vuajtje, ku kartoni i kuq për Nemana Matic i dha një ndihmë të madhe.
I fortë në suksesin 3-1 të ndeshjes së parë në Old Trafford, City e kishte menduar ndoshta më të thjeshtë kthimin në Etihad, por është befasuar nga goli i Matic, protagonisti në të mirë e të keq për skuadrën e Ole Gunnar Solskjaer. Megjithatë ky gol ishte i pamjaftueshëm për ta çuar United në finale, sepse serbi u ndëshkua me karton të kuq 15 minuta nga fundi, të cilin Manchester City nuk e shfrytëzoi dot, duke humbur raste të panumërta, me kundërshtarin që ishte spostuar i gjithë përpara.
Skuadrës së Pep Guardiola iu anulluan edhe dy gola, për pozicion jashtë loje, ndërsa në finale do të përballet me Aston Villa, që një ditë më parë ka nxjerrë jashtë gare Leicester në gjysëmfinale të Carabao Cup.
https://www.youtube.com/watch?v=uOgqFikCJJU
