Coronavirusi po monopolizon bisedat në bar, media, të ardhmen. Edhe futbolli, detyrimisht, preket nga problemet që vijnë nga karantina e Wuhan, metropolit kinez që është edhe origjina e virusit. Qyteti ku Wuhan Zall luan në ligën elitare të futbollit.
Skuadra e trajnuar nga spanjolli Josè Gonzalez duhej të rifillonte kampionatin me ditën e parë të turneut të ri kinez në fund të shkurtit, por përhapja e virusit dhe mbi të gjitha qyteti në karantinë sjellin dyshime serioze në lidhje me kthimin në fushë. Wuhan Zall aktualisht është në Evropë, në Malaga.
Në kuadër të kampionatit, në fakt, Wuhan kishte organizuar disa ditë përgatitje në Spanjë: mbërriti në Malaga nga Sevilla, pasi kaloi nëpër Stamboll dhe Shanghai. Asnjë simptomë në lidhje me virusin për skuadrën e klubit kinez, siç theksohet nga Ministria e Shëndetësisë.
Wuhan Zall ndodhej në Guangzhou, rreth një mijë kilometra larg Wuhan, më 2 janar, kështu që skuadra nuk ishte në qytet kur filloi përhapja e virusit. Grupi monitorues i Coronavirus në Andaluzi ka kryer kontrolle të reja për të dërguar një mesazh qetësie te një popullsi e terrorizuar nga çdo person që ka qenë në qytetin kinez.
Gonzalez dhe Wuhan Zall i tij, skuadra që përfundoi e gjashta në kampionatin e fundit kinez falë lojtarëve të huaj si Leo Baptistao dhe Kouassi, sulmues dhe bomber Bregu i Fildishtë, do të qëndrojnë në Malaga për disa javë. Kjo edhe sepse kthimi në provincën e Hubejit as nuk çohet nëpër mend.
Ndeshja e parë e Wuhan Zall në vitin 2020 do të ishte teorikisht ajo në Tianjin, kundër Teda, praktikisht 1000 km larg rrethinave të Pekinit. Superkupa kineze është shtyrë për momentin, ndërkohë që mbetet të shihet nëse i gjithë kampionati, veçanërisht në zonat më të prekura nga Coronavirusi, do të shtyhet.
