Blerja e aksioneve të klubit rival të Hammarby nga ana e Zlatan Ibrahimovic vazhdon të mos kapërcehet nga tifozët e Malmoe. E ajo që e pëson gjithnjë është statuja e vendosur pak kohë më parë, kur ende nuk ishte kryer tradhëtia, përpara stadiumit të tyre. Pasi e turpëruan tashmë ish-mitin Zlatan, duke i vendosur një qese plastike në kokë dhe një pjesë WC në krah, si shirit kapiteni, disa tifozë janë përpjekur ti sharrojnë këmbët, për ta rrëzuar më pas. Gjest që e ka detyruar policinë të krijojë një rrjet mbrojtëse përreth skulpturës.
