Një ditë pas marrjes së detyrës së Kryeprokurorit, Olsian Çela ka udhëtuar në drejtim të Durrësit.
Mësohet se kreu i organit të akuzës do të vizitojë zonat e prekura nga tërmeti, për të parë nga afër hetimet për ndërtesat e shembura. Prokuroria e Durrësit ka nisur tashmë një hetim penal pas shembjes së disa banesave nga tërmeti, të cilat dyshohet se kanë qenë ndërtime ne shkelje me rregullat.
Nga tërmeti shkatërrimtar i 26 nëntorit humbën jetën në Durrës dhe Thumanë 51 persona, ndërsa u shuan disa familje.
