Xhulia Aliaj u arrestua nga policia me akuzën se përhapi panik te qytetarët, duke shkruajtur në ‘Facebook’ se në Durrës do të ketë stuhi. Pas kësaj, ka ardhur reagimi i Dom Gjergj Metës, i cili bën apel që vajza të lirohet menjëherë.
Sipas tij, në një vend demokratik, një arrestim i tillë do të ishte absurd.
Reagimi i Dom Gjergj Metës:
Arrestimi i Xhulia Aliaj nga ana e policisë për një status në fb është një veprim i nxituar dhe i shproporcionuar.
Në një vend demokratik një gjë e tillë do të ishte absurde.
U kërkoj autoriteteve dhe uroj që policia ta lërë të lirë menjëherë.
Kam qenë famullitar i saj në Durrës dhe shpreh gjithë konsideratën time për të e ia njoh cilësitë njerëzore dhe civile Xhulias e cila është një qytetare e mirë dhe e don vendin e saj
