"Ndodhi edhe në Barcellona, edhe më keq këtu sepse ishim në avantazh të dy golave. U lodha duke thënë të njëjtat gjëra. Të vijë ndonjë drejtues e të thotë dicka". Antonio Conte shpërthen inatin e tij dhe i dërgon një tjetër mesazh shoqërisë, pas humbjes së Inter në Dortmund. "Mund të ishte programuar cdo gjë më mirë – vazhdoi ai – Nuk dua të nxjerr alibi, shpresoj që këto ndeshje ti bëjnë të kuptojnë gjërat atyre që duhet të kuptojnë".
I ashpër në fraza ndaj shoqërisë zikaltër, drejt mungesës së alternativave në skuadër dhe mesazhi është i pagabueshëm: “Të gjithë kanë dëmtime, jo vetëm ne, por ata nuk i ndjejnë, ndërsa ne po”. Conte në anën tjetër duket shumë i kënaqur me mënyrën e lojës së skuadrës, pavarësisht humbjes në Dortmund: "E kam të vështirë ti them ndonjë gjë lojtarëve, duhet vetëm ti falenderoj për atë që po japin – ka thënë tekniku i Inter pas ndeshjes – ecim përpara, vazhdojmë të punojmë, më shumë se të punojmë nuk mund të bëjmë. Janë bërë gabime të mëdha, nuk mund të bëjmë Champions e kampionat me kaq pak lojtarë. Lojtarët mund të më thonë, ‘thuaj faleminderit që jam në dispozicion'. Lodhja u pa në një fushë të vështirë si Dortmund. Përforcime? Nuk kam kërkuar asgjë por lexoj nëpër gazeta elozhet për merkaton që kemi bërë. Ndërsa të gjithë kemi gabuar dicka kur programuam sezonin".
