Video/ Penalltia më absurde e vitit vjen nga Gjermania: e shkakton një lojtar që nuk luante fare!

Për të menduar cmimet sezonale ndoshta është herët. Tek e fundit është vetëm tetor, por golat e cilësuar si më të bukurit e vitit, pritjet që natyrisht do të jenë më të mirat e gjithë kampionatit, kanë filluar të kandidohen. E kështu ka ndodhur edhe për penalltinë më absurde, ku vështirë se mund të dalë një tjetër rast për ta nxjerrë të dytë. “Perla” vjen nga Zweite Liga, divizioni i dytë gjerman, mes Kiel e Bochum ku ka shumë protagonistë. Natyrisht arbitri, i pamungueshmi VAR e një rezerve të skuadrës vendase, i dhuruan botës ndoshta penalltinë e parë të shkaktuar nga një lojtar që në momentin e fërshëllimës së arbitrit… nuk ishte fare në fushë. Rasti, si shpjegon AS, lindi në minutën e 38, kur Bochum po tenton të rivendosë barazinë, pas avantazhit të vendasve. Ganvoula provoi konkluzionin, por goditja e tij ishte jashtë kuadratit dhe po dilte në fundore. Nëse nuk do të ishin aty duke bërë nxemjen lojtarët e Kiel dhe Michael Eberwein pati idenë e keqe për të kontrolluar topin e tia kthente portierit. Gjithcka normale, nëse topi do të kishte kaluar vijën. Por ndoshta nuk ishte kështu dhe arbitri, Timo Gerach, mori… një sinjalizim.

Acaba de pasar algo alucinante en la 2. Bundesliga. Un delantero del Bochum disparó un tiro desviado del arco, pero un suplente del Kiel, que calentaba en el fondo, decidió parar la pelota antes que saliera… ¡Y ESO PROVOCÓ UN PENAL! pic.twitter.com/cjUJrvMFLj

— Raúl Muñoz (@RaulMunozMX) October 25, 2019

Kolegët e VAR e njoftuan se po rishihnin aksionin e kur erdhi konfirmimi se Eberwein e kishte prekur topin para se të dilte krejtësisht, arbitri tregoi penalltinë për Bochum. Plotësisht sipas rregullores, edhe pse mes spektatorëve do të ketë pasur konfuzion mbi atë që po ndodhte në fushë. Ganvoula barazoi rezultatin nga pika e bardhë, por goli ishte sidoqoftë i kotë, sepse Kiel shënoi përsëri duke fituar ndeshjen.