Ambasadori i Bashkimit Europian në vendin tonë, Luigi Soreca, ka reaguar pasi u raportua se vendet anëtare të Bashkimit Evropian nuk mundën të dakordoheshin për hapjen e negociatave të anëtarësimit për Shqipërinë dhe Maqedoninë e Veriut.
Në një postim në llogarinë e tij zyrtare në "Twitter", Soreca shkruan se dy vendet e Ballkanit Perëndimor nuk janë fajtore për këtë vendim. Më tej, kreu i përfaqësisë diplomatike të BE-së u kërkon një mesazh qytetarëve shqiptarë dhe maqedonas që të mos heqin dorë nga procesi e integrimit, pasi një ditë vendet e tyre do të bëhen anëtarë të Unionit.
“Maqedonia e Veriut dhe Shqipëria nuk janë fajtorë për këtë. Sot do të doja t’u dërgoja një mesazh miqve tanë shqiptar dhe maqedonas: ju lutem mos hiqni dorë. Unë nuk kam asnjë dyshim absolutisht se një ditë do të bëheni anëtarë të plotë të BE-së.”- shkruan Soreca. ©Lapsi.al
