Ledian Memushaj, ashtu si të gjithë lojtarët kuqezinj, ka dalë i dëshpëruar nga stadiumi në Stamboll, pas një humbje të tillë. Gol i dhuruar, pikërisht në kohën kur Shqipëria po tentonte të shënonte golin e fitores. "Nuk e meritonim - tha vlonjati -, bëmë një ndeshje të mikë, ishte shumë e vështirë, patëm rastet tona, por për fat të keq nuk i shfrytëzuam".
Klaus Gjasula ka bërë një tjetër përfaqsim pozitiv, por nuk ka mjaftuar: "Kështu është futbolli, ka ndeshje si kjo, ka edhe ndeshje që befasohet kundërshtari si ndodhi me ne sonte - shpjegoi mesfushori i Paderborn -. Duhet të ngremë kokën. Të hënën është Moldavia dhe duhet të shohim përpara"
