Bayern Munchen rrezikon të ketë tashmë më shumë se një problem, që kur një prej ikonave të klubit bavarez, Thomas Muller deklaroi një ditë më parë se nuk ishte i lumtur me zgjedhjet e teknikut, Niko Kovac, që e ka lënë jashtë formacionit në pjesën më të madhe të kohës. Kjo sepse në krah të 30 vjeçarit ka dalë edhe Serge Gnabry, ylli i ri i futbollit gjerman.
Sulmuesi, që shkoi në gol edhe në miqësoren me Argjentinën të mërkurën, ka deklaruar se shoku i tij i skuadrës tek Bayern Munchen Thomas Muller "meriton më shumë respekt". "Thomas ka fituar gjithcka, meriton pak më shumë respekt", ka deklaruar nga qendra e grumbullimit e Gjermanisë 24 vjecari, dy ditë nga sfida me Estoninë e vlefshme për kualifikueset Euro 2020.
Në një intervistë për 'Kicker', Muller kishte rrëfyer se "nuk ishte i lumtur" për faktin se ishte dërguar pesë herë radhazi në pankinë. Nga fillimi i sezonit, tekniku Niko Kovac i ka dhënë pak hapësirë Muller, duke preferuar brazilianin Philippe Coutinho, që mbërriti në verë nga Barcellona. E sipas 'Bild', kampioni i botës në 2014 mund të largohet në janar nga bavarezët, klub ku është rritur e ku ka luajtur gjithnjë. "Është vështirë ta imagjinosh Bayern pa të", ka shpjeguar Gnabry.
