Boksieri Errol Spence Jr. është zgjuar dhe i përgjegjshëm pas përplasjes së tmerrshme të automjetit, që u rrokullis nëpër rrugë dhe mbi trotuar. Megjithë frikën e përjetuar, në një farë mënyre, kampioni i botës ka shpëtuar pa asnjë kockë të thyer ose frakturë. Askush tjetër nuk u përfshi në aksidentin e së enjtes në mëngjes në Dallas, dhe Spence pritet të rikuperohet.
Kampioni i bashkuar i peshave të lehta nuk kishte vendosur rripin e sigurisë në Ferrarin e tij, sipas asaj që bëri të ditur policia. Në videot e sigurisë që janë publikuar në media, tregohet Ferrari 488 Spider i bardhë i Spence që kushton 300 mijë dollarë, përpara se të rrokulliset me shpejtësi.
Megjithatë frika e madhe ka kaluar: "Spence është zgjuar dhe po përgjigjet dhe gjendja e tij cilësohet si e qëndrueshme," lexohet në një deklaratë të zëdhënësit të Premier Boxing Tim Smith. 'Ai nuk pësoi asnjë kockë të thyer ose frakturë, por ka disa çarje të fytyrës. Ai pritet të bëjë një rikuperim të plotë.
'Ai aktualisht po pushon me familjen pranë tij. Ata duan ti falënderojnë të gjithë për lutjet dhe urimet e tyre dhe janë jashtëzakonisht mirënjohës për ata që dhanë ndihmën e parë në Dallas, që nxituan në vendngjarje për të asistuar Errol pas aksidentit dhe mjekët që po kujdesen për të në spital. '
