Një tërmet i magnitudës 3.4 ka rënë në afërsi të kryeqytetit.
Sipas të dhënave të disponuara nga “EMSC”, lëkundjet janë regjistruar në orën ekzakte 14:22, rreth 5 km në jug të Shijakut dhe 22 kilometra nga Tirana.
Tërmeti ka qenë me një thellësi prej 10 kilometrash.
Rreth dy javë më parë, vendi ynë u trondit nga tri tërmete të fuqishme, mes të cilëve njëri ka qenë me magnitude 5.8 Rihter dhe intensitet mbi 7.5 ballë, i lokalizuar 30 km në veri të qytetit të Durrësit. Sipas IGJEUM-it, ky është tërmeti më i forti i shënuar në vend në harkun e 20-30 vjetëve të fundit. Tërmetet shkaktuan dëme të mëdha materiale, si dhe mbi 105 të plagosur.
