Zërat mbi të ardhmen e Christian Eriksen nuk ndalen. Lojtari i Tottenham, që verën e kaluar, u përfol si pjesë e skuadrave të ndryshme, në fund, qëndroi nën urdhërat e Mauricio Pochettino. Kontrata e mesfushorit skadon në qershorin e ardhshëm, moment ku Eriksen do të jetë i lirë të gjejë një skuadër të re me parametër zero.
Klubi që do të përfitojë nga kjo situatë është Real Madrid. Los Blancos, sipas prestigjozes "Mirror", kanë ndërkohë gati një parakontratë për t'u firmosur nga lojtari në janar, me objektivin për ta marrë përfundimisht verën e ardhshme. Eriksen nuk e kërkon vetëm Real Madrid, ndaj tij kanë shfaqur interes edhe Manchester United që kërkon me çdo kusht të përforcohet pas rezultateve të fundit zhgënjyese.
