Ambasadori italian në Shqipëri, Alberto Cutillo, ka pohuar se nuk ka asnjë arsye për kushte të reja në çeljen e negociatave të Shqipërisë me BE-në. Sipas tij procesi i anëtarësimit të Shqipërisë në familjen europiane duhet të nisë menjëherë.
“Zgjidhja e krizës politike është një objektiv kryesor për një vend që kërkon të aderojë në BE. Ftojmë të gjitha forcat politike të ulen së bashku për të zgjidhur problemet që kanë, sidomos problemin e Reformës Zgjedhore. BE i ka dhënë disa detyra Shqipërisë dhe ne mendojmë se këto detyra janë plotësuar kohë më parë dhe nuk gjejmë arsye përse duhen vendosur kushte të reja për të hapur negociatat. Negociatat duhen hapur tanI”, është shprehur Cutillo nga Gjirokastra ku po merrte pjesë në disa aktivitete në kuadër të javës së zhvillimit të qëndrueshëm.
