Pesë persona mbetën të plagosur në një aksident rrugor në orët e para të mëngjesit të sotëm në Sarandë.
Ngjarja ka ndodhur rreth orës 04:25, në vendin e quajtur "Ura e Gajdarit" në Finiq, ku dy automjete të tipit "Benz Mercedes" në pronësi të shtetasve E.V dhe P.D janë përplasur mes tyre.
Si pasojë e përplasjes janë dëmtuar dy drejtuesit e mjeteve dhe tre pasagjerë, të cilët po marrin ndihmë mjekësore në Spitalin e Sarandës, jashtë rrezikut për jetën.
Policia po punon për sqarimin dhe zbardhjen e shkaqeve të aksidentit.
