Në epokën e futbollit ku për cdo lojtar mund të ketë një telekamera të fiksuar mbi të për 90 minuta e për cdo tifoz mund të regjistrohet një video në moment, të kalosh pa u parë është një mision i pamundur… por jo për Thierry Henry.
Francezi është kthyer gjithnjë në vendin e tij të zemrës, në Emirates Stadium dhe e ka bërë këtë jo vetëm kur ishte futbollist (u kthye të veshë fanellën e Arsenal në pauzën e kampionatit amerikan). Henry ka zbuluar një detaj shumë interesant dhe romantik: pasi ishte shkarkuar nga Monaco, është futur shumë herë në stadium, për të parë ndeshjet e Arsenal, pa u njohur. Ylli i padiskutueshëm i historisë së Gunners, kishte nevojë për qetësi, për të përgatitur kthimin e tij në një pankinë dhe atë qetësi mund tia jepte vetëm anonimati.
E ka pranuar vetë ish-sulmuesi në një intervistë për Telegraph: “Arrita të shoh disa ndeshje pa e kuptuar askush që isha aty, gjë që ishte fantastike. Shoh ndonjëherë edhe ndeshjet e Arsenal e askush nuk e di që jam aty”. Henry është në pritje të një telefonate për një pankinë të re, gjë që deri tani nuk ka ndodhur, por ndërkohë mund ti kushtohet spiunazhit: të kalosh pa u parë, pavarësisht famës botërore, është një tregues i një punë që duket se është i aftë ta bëjë.
