Ambasada e Shteteve të Bashkuaratë Amerikës në Tiranë, ka postuar në faqen zyrtare në “Facebook” një video mbi veprimtarinë e Strukturës së Posaçme Anti-Korrupsion (SPAK), i cili do të jetë një organi i pavarur që pritet të ngrihet së afërmi, për të hetuar rastet e korrupsionit në nivelet më të larta.
Sipas përfaqësisë diplomatike amerikane, SPAK-u do të jetë një strukturë jo e politizuar, që do të hetojë dhe do të ndjekë penalisht “të paprekshmit” e Shqipërisë, duke përfshirë zyrtarë të tanishëm dhe ish-zyrtarë të lartë.
Mesazhi i Ambasadës së SHBA-ve:
Në videon e kaluar, mësuat mbi Gjykatën Kushtetuese. Këtë javë, do të flasim për Strukturën e Posaçme Anti-Korrupsion dhe Anti-Krim i Organizuar, ose shkurt SPAK.
Pse nevojitet SPAK dhe si do t’i ndjekë penalisht ky institucion rastet e korrupsionit në nivelet më të larta? Mësoni se si SPAK do të jetë një organ i pavarur, jo i politizuar, i cili do të hetojë dhe ndjekë penalisht “të paprekshmit” e Shqipërisë, duke përfshirë zyrtarë të tanishëm dhe ish-zyrtarë të lartë. #CfareEshteReformaNeDrejtesi #NdalKorrupsionit.
https://www.facebook.com/usembassytirana/videos/441744029753439/?v=441744029753439
