Merkato e sulmuesve është totalisht e bllokuar. Shumë emra nuk e kanë ende të qartë se cila do të jetë e ardhmja e tyre. Që nga Mauro Icardi deri tek Gonzalo Higuain, duke kaluar edhe tek Romelo Lukaku. Të gjithë janë në pritje të të rejave, sikurse Edin Dzeko. Boshnjaku duket i destinuar të veshë fanellën e Interit (marrëveshja e gjetur prej kohësh, mbi bazën e një kontrate trevjeçare). Trajneri i zikaltërve, Antonio Conte, i ka kërkuar të vijë menjëherë, por Roma nuk bindet nga propozimet ekonomike të paraqitura nga klubi zikaltër, ndërsa e ka mbajtur fort, duke e mos e lënë të niset tani për tani qendërsulmuesin 33-vjeçar.
Tani situata është e qartë: dy opsione për qendërsulmuesin verdhekuq. E para, shitja tek Interi, por vetëm nëse klubi zikaltër do të formulojë një ofertë të përshtatshme dhe bindëse për drejtuesit verdhekuq që, për lojtarin e tyre (në përfundim të kontratës sezonin e ardhshëm) kërkojnë jo më pak se 20 milion euro. Hipoteza e dytë, për më tepër, e sheh Dzeko të qëndrojë nën udhërat e Paulo Fonsekës, të paktën me shumë mundësi rinovimi kontrate (për të mos rrezikuar ta humbasë në parametra zero në qershorin e ardhshëm).
Në këtë situatë, Edin gjendet përballë një udhëkryqi: mund të qëndrojë, me mundësinë e rinovimit, ose të shkojë tek Inter. Vendimi pritet të merret në harkun e pak ditëve. Dëshira për të qartësuar është e shumtë dhe efekti domino në pjesën e sulmuesve në lojë mund të jetë i vlefshme. Dzeko mund të jetë i pari që do të vendosë të ardhmen e tij. Roma dhe Inter nuk mund të presin shumë. Mbi të gjitha zikaltërit që kanë probleme edhe në çështjen Romelu Lukaku.
