Në kohë merkato, gjithcka vërtitet rreth lojtarëve dhe parave. E pikërisht në këtë moment, vjen edhe shigjetimi i Presidentit të këshillit të administrimit të Bayern Munchen, Karl-Heinz Rummenigge, për dorëlëshuarit e futbollit. Ai ka folur për Bild, për pagat aktuale të futbollistëve, duke i quajtur në disproporcion.
“Merkato ka ndryshuar plotësisht. E jo vetëm kosto e lojtarëve: 100 milionë apo 120 milionë euro nuk janë më impresionues. Jam shumë më i preokupuar për pagat me të cilat paguhen lojtarët në Spanjë, Angli e Itali. Duhet të jemi të kujdesshëm të mos destabilizojmë sistemin e pagave. Tani pagat e lojtarëve janë gjigante. Për shembull, vetë Griezmann do të jetë milioner tek Barcellona me të gjithë bonuset e pagat e akorduara. Por klubi do të paguajë dyfish, për shkak të taksave. Bayern nuk do ti bëjë kurrë këto cmenduri. Duhet të vazhdojmë në mënyrën tonë të zakonshme të punës”.
