Divorci mes Maurito Icardi e Inter është tashmë përfundimtar dhe i vërtetuar jo vetëm me fjalë por edhe me fakte. Në pritje të gjejë një sistemim të ri, ish-kapiteni ka lënë grumbullimin në Lugano dhe është kthyer në Milano, në akord të përbashkët me shoqërinë: pasi ka zhvilluar punë individuale në mëngjes, argjentinasi e klubi kanë vendosur që "puna për rigjetjen e kondicionit atletik" të vazhdojë në vetmi në fushat e Appiano Gentile. Nuk ka turne në Azi për Icardi, por vetëm vrap e stërvitje në Pinetina.
Javën e ardhshme Icardi nuk do të jetë në avionin që do të cojë zikaltrit në Kinë, me skuadrën e Antonio Conte që do të jetë e impenjuar në ditët pasuese në miqësoret e International Champions Cup kundër Manchester United e Juventus në program për tu zhvilluar në Singapore. Maurito do të stërvitet vetëm në Pinetina, me një preparator të vendosur në dispozicion nga shoqëria.
